„ნაციონალური მოძრაობის“ სია კარგად გვაჩვენებს, თუ როგორია ამ პარტიაში გავლენების და ძალაუფლების დაყოფა, - ამის შესახებ ჟურნალისტებს პარლამენტის ვიცე-სპიკერმა, ნინო წილოსანმა განუცხადა.

მისივე თქმით, „ქართული ოცნება“ „აუცილებლად, ქართველ ხალხთან ერთად გაასამართლებს ამ დანაშაულებრივ პარტიას“.

„ეს სია დაკომპლექტებულია ერთი მხრივ, კეზერაშვილის ფინანსებით მიღებული ძალაუფლებით და იმ ადამიანებით, რომელიც კეზერაშვილის კვოტით არიან იქ მოხვედრილი, მეორე მხრივ კი, სააკაშვილის გავლენებით იმიტომ, რომ ეს პარტია სააკაშვილის, იმ მავნებლური და ძალადობრივი რეჟიმის სახეა. საერთოდ არ აქვს მნიშვნელობა, ვისი ფულით თუ გავლენებით ხვდებიან ადამიანები „ნაცმოძრაობის“ სიაში და რა დაპირისპირება არის, ეს გოგავას შემთხვევაში იქნება, ეძგვერაძის თუ სხვადასხვა დინებები, რომელიც მიმდინარეობს. ეს პარტია განასახიერებს იმ უმძიმეს წლებს, რომელიც „ნაციონალურმა მოძრაობამ“ ქართულ საზოგადოებას შეუქმნა. იმ უმძიმეს რეალობას, რომლის გამოც 2012 წლიდან დღემდე ისჯება და კიდევ ერთხელ დაისჯება დაბალი რეიტინგით, იმით, რომ ვერ გაიმარჯვებენ. „ქართული ოცნება“ აუცილებლად, ქართველ ხალხთან ერთად გაასამართლებს ამ დანაშაულებრივ პარტიას“,- განაცხადა წილოსანმა.