აქტიურად ვმუშაობთ ჩვენს პარტნიორებთან ბრიუსელში, რათა სწრაფად მოხდეს იმ დანაკარგის კომპენსაცია, რაც "ქართულმა ოცნებამ" მოიტანა, როდესაც ძალიან დიდი კითხვის ნიშანია მომავალზე, - ამის შესახებ "ერთიანობა-ნაციონალური მოძრაობა-ევროპული საქართველოს" ლიდერმა გიგი წერეთელმა განაცხადა.

გიგი წერეთლის თქმით, შესაძლებელია, რომ რეალური გახდეს საქართველოს ევროპული პერსპექტივა და კეთილდღეობა.

„ჩვენ ძალიან აქტიურად ვმუშაობთ ყველა ჩვენს პარტნიორთან ბრიუსელში, ყველა პოლიტიკურ ჯგუფთან, პირველ რიგში, ბუნებრივია, ევროპის სახალხო პარტიასთან. არჩევნების შემდეგ, სწრაფად უნდა მოხდეს იმ დანაკარგის კომპენსაცია, რომელიც "ქართულმა ოცნებამ" მოიტანა, როდესაც ევროინტეგრაცია შეჩერებულია და ძალიან დიდი კითხვის ნიშანია მომავალზე.

შეგვიძლია ამ ყველაფერს ხალხთან ერთად, გამარჯვების შემდეგ მალე დავეწიოთ და რეალური გავხადოთ საქართველოს ევროპული პერსპექტივა და კეთილდღეობა", - განაცხადა გიგი წერეთელმა ბრიუსელში, რომლის კომენტარსაც პარტიის პრესსამსახური ავრცელებს.