რა საერთაშორისო პრაქტიკაც არის, იმ პრაქტიკას მიჰყვება ჩვენი კანონმდებლობა. დანარჩენი წმინდა წყლის სპეკულაციებია, - ამის შესახებ პრემიერმა, ირაკლი კობახიძემ საზღვარგარეთ საარჩევნო უბნების გახსნასთან დაკავშირებით განაცხადა.

როგორც პრემიერმა განმარტა, ყველა დიპლომატიურ წარმომადგენლობაში არის უზრუნველყოფილი საარჩევნო უბნის გახსნა.

„რა საერთაშორისო პრაქტიკაც არის, იმ პრაქტიკას მიჰყვება ჩვენი კანონმდებლობა. ეს არის ის, რომ ყველა დიპლომატიურ წარმომადგენლობაში არის უზრუნველყოფილი საარჩევნო უბნის გახსნა. რეგისტრაცია აბსოლუტურად თავისუფალია, ყოველგვარი დაბრკოლების გარეშეა შესაძლებელი საკონსულო რეგისტრაციის გავლა, საარჩევნო რეგისტრაციის გავლა. იმისდა მიხედვით, თუ რამდენი ადამიანი გაივლის საარჩევნო რეგისტრაციას იხსნება უბნები. ზოგიერთ დიპლომატიურ წარმომადგენლობაში შესაძლოა გაიხსნას 1-ზე მეტი უბანი, შეიძლება იყოს 2, 3 და 4 უბანიც კი. ყველაფერი საარჩევნო პრინციპების დაცვით წარიმართება, არსებულის საერთაშორისო პრაქტიკის შესაბამისად. დანარჩენი არის წმინდა წყლის სპეკულაციები“,- აღნიშნა პრემიერმა.