ვიკითხე პოლიტსაბჭოში და დამიდასტურეს, მითხრეს, რომ კი, ასე იქნება... აპირებენ ჩემს დატოვებას პრემიერის თანამდებობაზე, - ასე უპასუხა პრემიერ-მინისტრმა ირაკლი კობახიძემ მედიის მიერ დასმულ კითხვას, „შეგვიძლია ვთქვათ, რომ თქვენ იქნებით ისევ პრემიერ-მინისტრობის კანდიდატი?“.

კობახიძის თქმით, პრემიერ-მინისტრობის კანდიდატის დასახელება კანონმდებლობით გათვალისწინებული პროცედურის შესაბამისად მოხდება.

„კონსტიტუციით არის გათვალისწინებული შესაბამისი პროცედურა. ეს ხდება არჩევნების შემდეგ, პირველი სხდომის ჩატარებისთანავე“, - განაცხადა ირაკლი კობახიძემ.