თბილისში, ნაძალადევის რაიონში, ერთ-ერთ მაღალსართულიან საცხოვრებელ კორპუსში ხანძარია.

როგორც "ინტერპრესნიუსს" საგანგებო სიტუაციების მართვის სამსახურში განუცხადეს, ხანძარი საცხოვრებელი კორპუსის ერთ-ერთ ბინაში გაჩნდა.

მათივე ინფორმაციით, ადგილზე მობილიზებულია სახანძრო-სამაშველო სამსახური და მიმდინარეობს ცეცხლის ლიკვიდაციის სამუშაოები.

როგორც საგანგებო სიტუაციების მართვის სამსახურში აცხადებენ, დაშავებულების შესახებ ინფორმაცია ამ დროისთვის არ შესულა.