ბათუმში უხვი ნალექის შედეგად რამდენიმე ქუჩა და ეზო დაიტბორა, - ამის შესახებ ინფორმაციას ბათუმის მერია ავრცელებს.

მათივე ცნობით, მობილიზებულია ტექნიკა და ხორციელდება ამოტუმბვითი სამუშაოები.

„ადგილზე იმყოფებოდა ბათუმის ვიცე-მერი ნუკრი დეკანაძე შესაბამისი სამსახურების ხელმძღვანელებთან ერთად.

პარალელურად იწმინდება სანიაღვრე ცხაურები და ზღვაში გამსვლელი არხები.

საზოგადოებრივი ტრანსპორტი შეუფერხებლად გადაადგილდება.

მერიის ყველა შესაბამისი სამსახური განაგრძობს საგანგებო რეჟიმში მუშაობას“, - ნათქვამია ინფორმაციაში.