რუსეთის მიერ უკრაინის ქალაქ ნიკოლაევზე განხორციელებული სარაკეტო დარტყმის შედეგად ერთი ადამიანი დაიღუპა და 11 დაშავდა, - ინფორმაციას უკრაინული მედია ნიკოლაევის საოლქო სახელმწიფო ადმინისტრაციის ხელმძღვანელზე, ვიტალი კიმზე დაყრდნობით ავრცელებს

„ამჟამად ცნობილია 11 დაშავებულის შესახებ, ზოგიერთი მათგანის მდგომარეობა მძიმეა. სამწუხაროდ, ერთი ადამიანი გარდაცვლილია“, - აღნიშნა კიმმა.

მანამდე, ნიკოლაევის მერმა, ალექსანდრე სენკევიჩმა განაცხადა, რომ ქალაქში აფეთქებები მოხდა, რის შემდეგაც საჰაერო თავდასხმის მაუწყებელი განგაში გამოცხადდა.