გაეროს ტურიზმის ორგანიზაციის ეგიდით საქართველომ მსოფლიო ტურიზმის დღეს პირველად უმასპინძლა.

ამის შესახებ ინფორმაციას საქართველოს ტურიზმის ეროვნული ადმინისტრაცია ავრცელებს.

გავრცელებული ინფორმაციის თანახმად, მსოფლიო ტურიზმის დღის ფარგლებში საქართველოს მსოფლიოს მრავალი ქვეყნიდან მაღალი რანგის სტუმრები, ტურიზმის მინისტრები, დეპარტამენტების ხელმძღვანელები და ტურიზმის სფეროს პროფესიონალები ეწვივნენ, ჯამურად 300-ზე მეტი დელეგატი.

„ტურიზმის მსოფლიო დღე ყველაზე მნიშვნელოვანი დღეა, როდესაც საქმე ეხება ტურიზმსა და გაერთიანებული ერების ორგანიზაციას. წლის თემატიკა, შეიძლება ითქვას, რომ ყველაზე მნიშვნელოვანი თემატიკაა - ტურიზმი და მშვიდობა. ყველაზე ჰუმანური ეკონომიკური სექტორი კაცობრიობამ შეიძლება შეინარჩუნოს ურთიერთგაგების, ინვესტიციების, ეკონომიკური განვითარებისა და ზრდის გზით. ამასთან, რა თქმა უნდა, სოციალური მდგრადობის დამსახურებით. ის, რაც საქართველოში მიყვარს, ქართველი ხალხია. აქ ხალხი სავსეა ენერგიით, მათ უყვართ ბედნიერების განცდა, შეკრება და ჩვენი გაოცება.

ბოლო 10 წლის განმავლობაში საქართველოში მშპ 5%-ით გაიზარდა. რაც შეეხება პირდაპირ უცხოურ ინვესტიციებს, 2022 წლიდან ქვეყანაში ზრდა და ისტორიული საინვესტიციო ნაკადების შემოდინებაა. ყველაფერი, რასაც საქართველო ამის შესანარჩუნებლად აკეთებს, მართლაც ჭკვიანურად და სწორად გათვლილია. მისი მომავალი ეფუძნება ტრადიციას, რომელიც საბოლოდ, ამ მიწის უნიკალურობაა“,-განაცხადა ნატალია ბაძიონამ.