მოლდოვის ჩრდილოეთით, უკრაინის საზღვართან, ჭურვის ნამსხვრევები აღმოაჩინეს, - ინფორმაციას ადგილობრივი მედია ავრცელებს.

მათივე ინფორმაციით, ლითონის ფრაგმენტები, რომელიც რაკეტის ან ჭურვის ფრაგმენტებს წააგავს, ოკნიცას რაიონის მცხოვრებლებმა დღეს დილით სოფელ ლენკეუცთან - სახელმწიფო საზღვრიდან 4 კილომეტრში, აღმოაჩინეს.

საზღვრის უკრაინის მხარეს უახლოესი ქალაქი მოგილევ-პოდოლსკია.

შემთხვევის ადგილზე პოლიცია და პროკურატურა მივიდა. ჯერჯერობით, არ დაუდასტურებიათ, რა ტიპის ობიექტის ფრაგმენტებია აღმოჩენილი.