ენმ-ის წარმომადგენლებს ისნის N5 საარჩევნო ოლქთან "ქართული ოცნების" მიერ მიგზავნილი, ცივი იარაღით შეიარაღებული ე.წ. “ძველი ბიჭები" დახვდნენ , - ამის შესახებ განცხადებას „ერთიანობა - ნაციონალური მოძრაობა“ ავრცელებს.

განცხადების თანახმად, “ერთიანობა-ნაციონალური მოძრაობის” წარმომადგენელი მარიამ დოლიძე ტელევიზიას სპეციალური სიების დამტკიცებასთან დაკავშირებით ინტერვიუს აძლევდა, რამაც „ქართული ოცნების მიგზავნილების“ გაღიზიანება მოჰყვა.

„მაშინ, როდესაც N5 ისნის საოლქო საარჩევნო კომისიასთან, “ერთიანობა-ნაციონალური მოძრაობის” წარმომადგენელი მარიამ დოლიძე ინტერვიუს აძლევდა ტელევიზიას სპეციალური სიების დამტკიცებასთან დაკავშირებით, რომელსაც ვერ არეგისტრირებდა ამავე ოლქის კომისია, ადგილზე გამოჩნდნენ "ქართული ოცნების" მიერ მიგზავნილი, ცივი იარაღით შეიარაღებული ე.წ. “ ძველი ბიჭები “, მოისმინეს რესპონდენტისა და ჟურნალისტის საუბარი და ამას მოჰყვა სიტყვიერი შეურაცხყოფა "ქართული ოცნების" "ტიტუშკების" მხრიდან“, - ნათქვამია განცხადებაში.