გაერო-ში ირანის მისია აცხადებს, რომ აქტიურ საომარ ზონაში იაჰია სინვარის დაღუპვის გარემოებები წინააღმდეგობის სულისკვეთებას გააძლიერებს.

„როდესაც მუსლიმები ხედავენბრძოლის ველზე მდგარ მოწამე სინვარს - საბრძოლო ჩაცმულობით და ღიად, მტრის პირისპირ და არა სამალავში - წინააღმდეგობის სული გაძლიერდება“, - ნათქვამია მისიის განცხადებაში.

„ის გახდება მაგალითი ახალგაზრდებისა და ბავშვებისთვის, რომლებიც გააგრძელებენ მის გზას პალესტინის განთავისუფლებისკენ. სანამ არსებობს ოკუპაცია და აგრესია, წინააღმდეგობა გაგრძელდება, რადგან მოწამე რჩება ცოცხალი და შთაგონების წყაროდ“, - ნათქვამია განცხადებაში.

შეგახსენებთ, გუშინ ცნობილი გახდა, რომ ისრაელმა "ჰამასის" პოლიტბიუროს თავმჯდომარის, იაჰია სინვარის ლიკვიდაცია განახორციელა.