ბორჯომის მუნიციპალიტეტის ინფორმაციით, საკურორტო სოფელ ტბაზე სკვერის, სპორტული მოედნისა და კორტების მოწყობა აქტიურ ფაზაშია.

მათი ცნობით, 10000 კვადრატულ მეტრამდე ფართობზე სკვერის რეაბილიტაციისთვის თანხები, ცენტრალური და ადგილობრივი ბიუჯეტიდან გამოიყო.

„სამუშაოების შედეგად, 10000 კვადრატულ მეტრამდე ფართობზე რეკრეაციული სივრცე მოეწყობა. განთავსდება ბავშვთა გასართობი და მოსასვენებელი სივრცეები, ფიტნეს ზონა, კორტების მოედანი, დამონტაჟდება გარე განათებისა და სარწყავი სისტემა, ჩატარდება გამწვანების სამუშაოები, დაირგვება სხვადასხვა სახეობის ხე-მცენარეები და ბალახი. ასევე, განთავსდება სკვერისთვის საჭირო ინფრასტრუქტურა“,- ნათქვამია ინფორმაციაში.