კოალიციამ „ცვლილებისთვის“ შეზღუდული შესაძლებლობის მქონე პირთა თემის წარმომადგენლებთან შეხვედრა გამართა.

კოალიცია „ცვლილებისთვის“ გავრცელებული ინფორმაციით, შეხვედრაზე პოლიტიკური გაერთიანების ლიდერებმა გამოთქვეს მზაობა შშმ პირთა უფლებათა რეალიზაციის პროცესში მნიშვნელოვანი ჩართულობის კუთხით.

მათივე ცნობით, შეხვედრისას წარდგენილ იქნა კოალიციის კონცეპტუალური ხედვა და გაიმართა დისკუსია, რომლის ფარგლებშიც თემის წარმომადგენლებმა გასცეს რიგი რეკომენდაციები ხედვის მოდიფიცირების მიზნით.

„დღევანდელი ღონისძიების მთავარი მიზანია თემთან ჩვენი კონცეპტუალიზებული ხედვის წარდგენა, მათი რეკომენდაციების მოსმენა, ერთად მათი ჩართულობით განვახორციელოთ ცვლილებები, რომელიც მოიტანს მდგომარეობის გაუმჯობესებას”, - განაცხადა მარიკა არევაძემ.