„ქართული ოცნება - დემოკრატიული საქართველოს“ გლდანის დელეგატმა ვლადიმერ ბოჟაძემ, გლდანის III მ/რ-ში მოსახლეობასთან შეხვედრა გამართა.

პარტიის მიერ გავრცელებული ინფორმაციით, დელეგატმა შეხვედრისას შეაჯამა გლდანში განხორციელებული და მიმდინარე პროექტები.

მათივე ცნობით, მოისმინა მოსახლეობის საჭიროებები და მათ მოგვარებას დაჰპირდა შემდეგი 4 წლის განმავლობაში.

„ჩვენი ხელისუფლების და დედაქალაქის მთავრობის ერთ-ერთი მთავარი პრიორიტეტი ინფრასტრუქტურის განვითარება, რეკრეაციული ზონების შექმნა, ჯანსაღი ცხოვრების წესის მხარდაჭერაა. ამ მიზნით, ბოლო წლებში, გლდანის რაიონში ბევრი გაკეთდა. ჩემი საპარლამენტო მანდატის 4 წელს ამ პროექტების გაგრძელების მხარდაჭერას და ხორცშესხმას მოვახმარ”, - განაცხადა ვლადიმერ ბოჟაძემ.