40 ცნობილი მხატვარი „ძლიერი საქართველოსთვის“ ერთიანდება
„ძლიერ საქართველოს" ცნობილი მხატვრები, საკუთარი შემოქმედებით უერთდებიან.
ამის შესახებ ინფორმაციას „ძლიერი საქართველო“ ავრცელებს.
მათივე ცნობით, „გამარჯვების პანო" ხელოვანებმა სპეციალურად 2024 წლის 26 ოქტომბრის არჩევნებისთვის შექმნეს.
„40 თანამედროვე მხატვრის მიერ შექმნილი „გამარჯვების პანო" დღეს პირველად „ძლიერი საქართველოს" ცენტრალურ შტაბში გამოიფინა. პანოს შექმნაზე ხელოვანები 20 დღის განმავლობაში ყველაზე დიდი ოპოზიციური გაერთიანების საარჩევნო შტაბში მუშაობდნენ.
„გამარჯვების პანოს" შემქმნელთა შორის არიან ქეთი მატაბელი, გია გუგუშვილი, ლევან ჭოღოშვილი, ნიკო ცეცხლაძე და სხვა ცნობილი სახელები. პროექტი განხორციელდა მხატვარ მამუკა ცუცქირიძის ინიციატივით“, - ნათქვამია გავრცელებულ ინფორმაციაში.
