რუსეთის ტულასა და ბრიანსკის ოლქებში, დრონებით თავდასხმის გამო, აფეთქებები მოხდა, - ინფორმაციას რუსული მედია სოციალურ ქსელებში, ასევე ტულას ოლქის გუბერნატორი, დიმიტრი მილაევი ავრცელებს.

აფეთქებები მოხდა რუსეთის ტულას ოლქში, ეფრემოვში, ადგილობრივებმა განაცხადეს, რომ თბოელექტროცენტრალის მიდამოში, ეფრემოვის სინთეზური კაუჩუკის ქარხანასთან ხანძარი გაჩნდა.

დრონით თავდასხმა ასევე დაფიქსირდა ბრიანსკის ოლქის სუზემსკის რაიონში მდებარე თბოელექტროცენტრალზე, რის შედეგადაც სპირტის ორი ქარხანა დაზიანდა.

„წინასწარი ინფორმაციით, მსხვერპლი არ არის. შემთხვევის ადგილზე სასწრაფო დახმარების სპეციალისტები მუშაობენ. სიტუაცია კონტროლს ექვემდებარება“, - განაცხადა დიმიტრი მილაევმა.