აჩიკო ბერიძე - 26 ოქტომბერს ერთად გავიმარჯვებთ ჩვენი ქვეყნის ერთიანობისა და მშვიდობისთვის
„ქართული ოცნება- დემოკრატიული საქართველოს“ ბათუმისა და ხელვაჩაურის დელეგატი აჩიკო ბერიძე, ქალაქ ბათუმში, თაყაიშვილის ქუჩის მოსახლეობას კარდაკარ შემოვლის პრინციპით შეხვდა.
პარტიის მიერ გავრცელებული ინფორმაციით, დელეგატმა მოსახლეობასთან შეხვედრისას შეაჯამა ქალაქში განხორციელებული და მიმდინარე პროექტები. ამომრჩეველი გაეცნო გუნდის სამომავლო გეგმებს, ასევე ისაუბრეს 26 ოქტომბრის საპარლამენტო არჩევნების მნიშვნელობაზე.
ასევე, მათივე ცნობით, დელეგატმა ისაუბრა ქვეყანაში არსებულ პოლიტიკურ მდგომარეობაზე და მიმდინარე მოვლენებზე.
აჩიკო ბერიძის თქმით, 26 ოქტომბერს ერთად გაიმარჯვებს ხალხი საქართველოს ერთიანობისა და მშვიდობისთვის.
