„ჰეზბოლამ“ თელ-ავივის მიმართულებით რაკეტები გაუშვა, საჰაერო თავდაცვამ ორი რაკეტა ჩამოაგდო, - ამის შესახებ ინფორმაციას ისრაელის თავდაცვის ძალები ავრცელებს.
„ჰეზბოლას“ სარაკეტო იერიშის შედეგად, თელ-ავივსა და ჩრდილოეთ ისრაელში მდებარე ქალაქებში გამაფრთხილებელი სირენების ხმა ისმოდა. რაკეტების ნამსხვრევებმა რამდენიმე შენობა დააზიანა.
სარაკეტო იერიშზე პასუხისმგებლობა „ჰეზბოლამ“ აიღო და განაცხადა, რომ რაკეტების სამიზნე თელ-ავივში მდებარე ისრაელის სამხედრო სადაზვერვო ბაზა იყო.
ასევე, ისრაელის თავდაცვის ძალების ცნობით, ცოტა ხნის წინ, „ჰეზბოლამ“ ჰაიფას მიმართულებით 25-მდე რაკეტა გაუშვა.
