უკრაინის კრიზისი გრძელდება, საომარი მოქმედებების გაფართოება და ესკალაცია თავიდან უნდა ავიცილოთ, - ამის შესახებ ჩინეთის პრეზიდენტმა, სი ძინპინმა BRICS-ის სამიტზე სიტყვით გამოსვლისას განაცხადა.

„უკრაინის კრიზისი გრძელდება. ჩვენ სამი პრინციპი უნდა დავიცვათ: თავიდან უნდა ავიცილოთ საომარი მოქმედებების გაფართოება, ესკალაცია და მოქმედებები, რომლებიც ხელს შეუწყობს დაძაბულობის გაზრდას“, - განაცხადა სი ძინპინმა.

მისივე თქმით, ჩინეთმა, ბრაზილიამ და გლობალური სამხრეთის ქვეყნებმა „მშვიდობის მეგობრების“ ჯგუფი შექმნეს, რომელიც მშვიდობის მხარდამჭერ ხმებს აერთიანებს.

„ეს მნიშვნელოვანია კონფლიქტის გაფართოების, მესამე მხარეზე გავრცელების, საომარი მოქმედებების ესკალაციისა და ცეცხლზე ნავთის დასხმის თავიდან აცილების პრინციპებიდან გამომდინარე“, - აღნიშნა ჩინეთის პრეზიდენტმა.