უკრაინის წინააღმდეგ ომში საბრძოლველად ჩრდილოეთ კორეამ უკვე 3 000 სამხედრო გააგზავნა რუსეთში. ამის შესახებ სამხრეთ კორეელმა დეპუტატებმა ქვეყნის ეროვნული სადაზვერვო სააგენტოს ბრიფინგის შემდეგ რეპორტიორებთან საუბარში განაცხადეს.

სამხრეთ კორეელი დეპუტატების ცნობით, ჩრდილოეთ კორეამ რუსეთში უკვე 3 000 სამხედრო გააგზავნა უკრაინის წინააღმდეგ ომში საბრძოლველად და ჯამში 10 000 სამხედროს გაგზავნა იგეგმება, რომელთა გადაყვანა დეკემბრისთვის იგეგმება.

„ჩრდილოეთ კორეაში სამხედროების წვრთნების ნიშნები სექტემბერსა და ოქტომბერში შეინიშნა. ისე ჩანს, რომ სამხედროები ახლა რუსეთში რამდენიმე საწვრთნელო დაწესებულებში გადაანაწილეს და ისინი ადგილობრივ გარემოს ეჩვევიან“, - განაცხადა სამხრეთ კორეის პარლამენტის სადაზვერვო კომიტეტის წევრმა, პარკ სუნ-ვონმა.