პრემიერი ამერიკული კომპანიის Concentrix-ის საქართველოს ოფისში საგამოძიებო სამსახურის შესვლაზე - მოდით, დაელოდეთ გამოძიებას, ეს ინფორმაცია საზოგადოებისთვის შეიძლება ძალიან საინტერესო იყოს
მოდით, დაელოდეთ გამოძიებას, ეს ინფორმაცია, საზოგადოებისთვის შეიძლება ძალიან საინტერესო იყოს, - ასე ეხმაურება პრემიერ-მინისტრი ირაკლი კობახიძე გავრცელებულ ინფორმაციას, რომლის თანახმადაც, ამერიკული კომპანიის Concentrix-ის საქართველოს ოფისში საგამოძიებო სამსახური შევიდა.
„მოდით, დაელოდეთ გამოძიების ინფორმაციას, ეს საზოგადოებისთვის შეიძლება ძალიან საინტერესო იყოს. ვმარჩიელობ, მაგრამ მგონია, რომ შესაძლოა, საინტერესო იყოს “,- აღნიშნა პრემიერმა.
ცნობისთვის, თბილისში, „ვაკე პლაზაში“ მდებარე ამერიკულ კომპანია Concentrix Georgia-ში ფინანსთა სამინისტროს საგამოძიებო სამსახურის თანამშრომლები შევიდნენ. „ფორმულას“ ინფორმაციით, 3 სართულზე მიმდინარეობს ჩხრეკა. მათივე ცნობით, Concentrix Georgia-ს თანამშრომლებს უთხრეს, რომ დღეს სამუშაო პროცესი არ იქნება, კომპანიაში მხოლოდ ოფიციალური ხელმძღვანელი პირები იმყოფებიან.
v-if="article.gallery" v-html="article.gallery"
