გამარჯვება არის ჩვენს ხელში, რადგან ძალაუფლება ხვალ ქართველ ხალხს გადაეცემა, - ამის შესახებ კოალიცია „ძლიერი საქართველოს“ ერთ-ერთმა ლიდერმა, ლევან ცუცქირიძემ არჩევნებამდე ერთი დღით ადრე შემაჯამებელ ვიდეომიმართვაში განაცხადა.

ცუცქირიძის თქმით, ხვალ საქართველოსთვის მნიშვნელოვანი დღეა.

„ხვალ საქართველოსთვის ძალიან მნიშვნელოვანი დღეა. გახსოვდეთ, რომ თქვენს არჩევანს ვერავინ გაიგებს. ეს არის არჩევანი, რომელსაც თქვენ საკუთარი თავისა და შვილების მომავლის წინაშე აკეთებთ, თქვენ გეცოდინებათ. ყველანი არჩევნებზე! შესაძლოა, წვიმიანი ამინდი იყოს, ამიტომ მომზადებული მიბრძანდით, თუმცა როდესაც საჭიროა, მიჩვეულები ვართ წვიმასა და ქარში გარეთ დგომას. რაც უფრო ადრე მიბრძანდებით არჩევნებზე, მით უკეთესია.

ჩვენი შტაბი არის სრულ მზადყოფნაში. მადლობა მათ ამ ხნის განმავლობაში დაუღალავი შრომისთვის. ყველა ხმას დავიცავთ, ყველა მოქალაქის უფლებებს დავიცავთ, გამარჯვება არის ჩვენ ხელში, რადგან ძალაუფლება ხვალ ქართველ ხალხს გადაეცემა. ძალაუფლება ხვალ მეტი არავის არ აქვს. როგორც ქართველი ხალხი გადაწყვეტს ისე იქნება. წინ მეგობრებო დემოკრატიის და თავისუფლების გამარჯვებისკენ“, - განაცხადა ლევან ცუცქირიძემ.