გიორგი ხახუბია - ხმა მივეცი ქვეყანაში მშვიდობისა და სტაბილურობის შენარჩუნებას, ოჯახური ღირებულებების დაცვას და იმ უალტერნატივო გზას, რასაც ევროპულ ოჯახში გაწევრიანება ჰქვია

ფოთში „ქართული ოცნების“ დელეგატმა გიორგი ხახუბიამ საკუთარი არჩევანი დააფიქსირა. ის #9 უბანზე ოჯახთან ერთად მივიდა.

როგორც ხახუბიამ ჟურნალისტებთან განაცხადა, ხმა ქვეყანაში მშვიდობისა და სტაბილურობის შენარჩუნებას მისცა.

„დღეს ჩვენი ქვეყნის უახლოეს ისტორიაში ერთ-ერთი მნიშვნელოვანი არჩევნებია. ჩემის მხრივ, ხმა მივეცი ჩემს ქვეყანაში მშვიდობისა და სტაბილურობის შენარჩუნებას, ჩვენი ოჯახური ღირებულებების დაცვას და რა თქმა უნდა, იმ უალტერნატივო გზას, რასაც ჰქვია ევროპულ ოჯახში გაწევრიანება. დღეს პოლიტიკურ ველზე ერთადერთი და უალტერნატივო პოლიტიკური პარტია არის, რომელსაც შეუძლია მხოლოდ მშვიდობით, ღირსებით და კეთილდღეობით ჩვენი ქვეყანა გააწევრიანოს ევროკავშირში“,- განაცხადა გიორგი ხახუბიამ.