ბათუმის 79-ე საოლქო საარჩევნო კომისიის თავმჯდომარის, ზვიად სურმანიძის ინფორმაციით, ბათუმში 15:00 საათის მონაცემებით, ამომრჩეველთა 39%-მა მისცა ხმა.

მისი ცნობით, ბათუმში 154 357 ამომრჩეველია რეგისტრირებული და 90 საარჩევნო უბანია გახსნილი, სადაც 60 383 მოქალაქე უკვე გამოცხადდა. ოლქში 5 საჩივარია შესული.

ცნობისთვის, ბათუმში რეგისტრირებული ამომრჩეველი საქართველოს პარლამენტთან ერთად, აჭარის უმაღლესი საბჭოს წევრებსაც ირჩევენ.