მე ხმას ვაძლევ ივანიშვილის რეჟიმის ამ არჩევნებში წალეკვას, ეს არის ის, რაც საქართველოს მომავალს სჭირდება, - ამის შესახებ „ფედერალისტების“ თავმჯდომარემ, გიგა ბოკერიამ მიმდინარე საარჩევნო პროცესთან დაკავშირებით განაცხადა.

მან საზოგადოებას არჩევნებზე წასვლისკენ მოუწოდა.

„ჯერჯერობით რასაც ვუყურებ, აქტივობით დაწყებული, ჩემ გარშემო წრით დამთავრებული, სადაც იყვნენ მეგობრები, რომლებიც სხვადასხვა მცდარი არგუმენტით ან არჩევნებზე არ დადიოდნენ, ან სტატუსკვოს უჭერდნენ მხარს, თითქმის მთლიანად შეცვლილია სურათი.

მაგრამ ჯერ კიდევ არის დრო, რომ თუ ვინმე ყოყმანობს, მოვიდეს და ამ რეჟიმის წინააღმდეგ, საქართველოს ევროპულ მომავალს მისცეს ხმას“, - განაცხადა გიგა ბოკერიამ.