20:00 საათზე მორჩება ივანიშვილის რეჟიმი და „მილიციელები“, რომლებიც კანონს უნდა იცავდნენ, კანონის წინაშე აგებენ პასუხს, - ამის შესახებ „ერთიანობა - ნაციონალური მოძრაობის“ პოლიტსაბჭოს თავმჯდომარემ, ლევან ხაბეიშვილმა განაცხადა.

ხაბეიშვილის განცხადებით, ვინც მასთან ერთად გადაადგილდება, ყველას აკავებენ.

„ყველას პოლიციური რეიდი აქვს. აგებენ არჩევნებს, გრძნობენ ამას და ჩემთან ერთად ვინც გადაადგილდება, ყველას აკავებენ. ნახეთ, რომ სალომე კაპანაძე და მამუდი მამედოვი დააკავეს. ყველა, ვინც ჩემთან ერთად დადის და ევროპულ ხმას იცავს, ყველას აკავებენ. ესენი არ არიან პოლიციელები, ესენი არიან „მილიციელები“, რომლებიც დავალებებს ასრულებენ. ის კრიმინალები, რომლებიც თვითონ მოაბილიზეს, რა თქმა უნდა, არ დაუკავებიათ. 8 საათზე მორჩება ივანიშვილის რეჟიმი და ეს ადამიანები, რომლებიც კანონს უნდა იცავდნენ, კანონის წინაშე აგებს პასუხს“, - განაცხადა ლევან ხაბეიშვილმა.