მერწმუნეთ, ამ ძალადობით ვერავის შეაშინებენ, რადგან ჩვენს უკან არის სიმართლე, ჩვენი მომავალი თაობის ევროპული კეთილდღეობა, ამიტომ ვიბრძოლებთ ბოლომდე, - ამის შესახებ „ერთიანობა - ნაციონალური მოძრაობის“ ლიდერმა ლევან ბეჟაშვილმა პარტიის ოფისზე განხორციელებული თავდასხმაზე განაცხადა.

ლევან ბეჟაშვილის თქმით, ისინი ხედავენ, რომ „ქართულ ოცნება“ მარცხდება ამ არჩევნებში და ამიტომ გადადიან აგრესიასა და ძალადობაზე.

"რამდენიმე ათეული მანქანა იყო, გაჩერდა, გადმოვიდნენ "დუბინკებით" და სხვადასხვა ნივთით შეიარაღებულები, შევიდნენ ოფისში, რამდენიმე ადამიანს მიაყენეს ფიზიკური დაზიანება და უკვე შესაბამისად, ჩვენებსაც მოუწიათ პასუხის გაცემა, ჩვენი ძალებით მოვახერხეთ და უკუვაგდეთ. ისინი გამოხატავდნენ აგრესიას, რადგან არიან აგონიაში, ხედავენ, რომ ხალხი ყველა უბნისკენ დაიძრა და ყველას ერთი მიზანი ამოძრავებს, რომ „ქართული ოცნება“ ჩამოვაშოროთ ხელისუფლებას და დღეს გაიმარჯვოს ევროპულმა მომავალმა, ისინი კი ხედავენ, რომ „ქართულ ოცნება“ მარცხდება ამ არჩევნებში და ამიტომ გადადიან აგრესიასა და ძალადობაზე, მაგრამ მერწმუნეთ, ამ ძალადობით ვერავის შეაშინებენ, რადგან ჩვენს უკან არის სიმართლე, ჩვენი მომავალი თაობის ევროპული კეთილდღეობა, ამიტომ ვიბრძოლებთ ბოლომდე“, - განაცხადა ლევან ბეჟაშვილმა.