მარნეულის საკრებულოს თავმჯდომარის, ამირან გიორგაძის განცხადებით, "ქართულმა ოცნებამ" საპარლამენტო არჩევნებში მარნეულში, თითქმის ყველა უბანი 80%-იანი უპირატესობით მოიგო.

გიორგაძის თქმით, მსგავსი შედეგი არასდროს ჰქონიათ.

"წინასაარჩევნო კამპანიის პერიოდშიც ვაცხადებდით, რომ მოსახლეობის უპრეცედენტო მხარდაჭერა იგრძნობოდა, დღეს ეს დადასტურდა. მარნეულის თითქმის ყველა უბანი დათვლილია და "ქართული ოცნება" დიდი უპირატესობით იგებს. შემიძლია გითხრათ, რომ 70-80%-იანი მოგებაა ყველა უბანზე, რომელიც დათვლილია. მინდა მოსახლეობას, ამომრჩევლებს მადლობა გადავუხადო, მოსახლეობამ კარგად გაითავისა, რომ ჩვენ ქვეყანას მშვიდობა, სტაბილურობა და კეთილდღეობა სჭირდება. საარჩევნო შტაბს 2012 წლიდან ვხელმძღვანელობ და ასეთი შედეგი არასდროს გვქონია, მარნეულში უმაღლესი შედეგი დაფიქსირდა", - განაცხადა გიორგაძემ.