მარნეულის 22-ე საოლქო საარჩევნო კომისიის თავმჯდომარის, ლელა ქრისტესიაშვილის განცხადებით, ოლქში შესული საჩივრები ძირითადად პროცედურულ დარღვევებს ეხება. მისივე განმარტებით, მარნეულში არჩევნებში მონაწილეობა 43 878 ადამიანმა მიიღო.

„მიმდინარე ეტაპისთვის, მარნეულის საოლქო საარჩევნო კომისიაში შემავალ საუბნო საარჩევნო კომისიებიდან ყველა შემაჯამებელი ოქმი საოლქო საარჩევნო კომისიაში შემოსულია. აქტივობა დაახლოებით, 43% იყო, რაც ამომრჩეველთა რაოდენობაში გამოიხატება 43 878 ადამიანში. აქტივობას რაც შეეხება სუბიექტების მიხედვით, დაახლოებით, 80%-ით ლიდერობს "ქართული ოცნება“. ინციდენტების გარეშე ჩაიარა, თუ 69-ე საარჩევნო უბანს თუ არ ჩავთვლით, რასთან დაკავშირებითაც მყისიერი რეაგირება გვქონდა საოლქო საარჩევნო კომისიასაც და ცენტრალურ საარჩევნო კომისიასაც. აღნიშნულ უბანზე კენჭისყრის პროცესი შევწყვიტეთ და შედეგები გავაბათილეთ.

საჩივრები პროცედურულ დარღვევებს ეხება ძირითადად",- განაცხადა ქრისტესიაშვილმა.