მე ასე მგონია, ტესტი თავისთავად ჩაბარებულია, - ამის შესახებ საქართველოს პრემიერ-მინისტრმა, ირაკლი კობახიძემ განაცხადა, რითაც გამოეხმაურა დასავლეთის ქვეყნების განცხადებას, რომლებიც ამბობდნენ, რომ „2024 წლის საპარლამენტო არჩევნები დემოკრატიის ტესტი იქნებოდა“.

მისივე თქმით, საქართველოს ხელისუფლება ყველაფერს გააკეთებს იმისთვის, რომ საქართველოს პარტნიორებთან ურთიერთობები გადაიტვირთოს.

„რაც შეეხება {საერთაშორისო პარტნიორებთან} ურთიერთობებს, დარწმუნებული ვარ, რომ უახლოეს მომავალში დაიწყება ურთიერთობების გადატვირთვა და ეს არჩევნები ამისთვის ქმნის ძალიან კარგ საფუძველს. ჩვენ ყველაფერს გავაკეთებთ იმისათვის, რომ ურთიერთობები გადაიტვირთოს. ამისათვის ვიყავით და ვართ, აბსოლუტურად ღია. დანარჩენი არის კონსულტაციების და ინტერესების საქმე. დარწმუნებული ვარ, რომ ყველაფერი წარიმართება ისე, როგორც ჩვენი ქვეყნის ინტერესებს წაადგება, კონკრეტულად, მათ შორის ევროინტეგრაციის გზაზე“, - განაცხადა კობახიძემ.