მე არ ვიქნები პარლამენტში, სადაც უმრავლესობა უსამართლოდ იქნება „ქართული ოცნება“ - ეს არჩევნები მოიგო ოპოზიციამ, - ამის შესახებ კოალიცია „ძლიერი საქართველოს“ ერთ-ერთმა ლიდერმა, ლევან ცუცქირიძემ განაცხადა.

მისი თქმით, ის იქნება პარლამენტში, რომელიც იქნება სამართლიანი და სადაც უმრავლესობაში იქნება დემოკრატიული ოპოზიცია.

„მე არ ვიქნები პარლამენტში, სადაც უმრავლესობა უსამართლოდ იქნება „ქართული ოცნება“. ეს არჩევნები მოიგო ოპოზიციამ. მე აუცილებლად ვიქნები პარლამენტში, რომელიც იქნება სამართლიანი, სადაც უმრავლესობაში იქნება დემოკრატიული ოპოზიცია, რომელმაც ეს არჩევნები მოიგო”, - განაცხადა ლევან ცუცქირიძემ.

ამასთან, ცუცქირიძემ ისაუბრა დღევანდელ აქციაზე და აღნიშნა, რომ „ამ აქციაზე მოსახლეობამ მხარი უნდა დაუჭიროს ოპოზიციას და ყველას შიგნით და გარეთ აჩვენოს, რომ ქართველი ხალხი იმ უსამართლო შედეგს არ ეგუება“.

„დღევანდელი აქცია ძალიან მნიშვნელოვანია. ამ არჩევნებში „ქართულ ოცნებას“ არ მოუგია. ამიტომ, დღეს ჩვენ უნდა გამოვიდეთ აქციაზე. უნდა ვიცოდეთ, რომ ამ არჩევნებში გაიმარჯვა ოპოზიციამ. გავამაგროთ ერთმანეთი, დავუჭიროთ მხარი ოპოზიციას და ყველას შიგნით და გარეთ ვაჩვენოთ, რომ ქართველი ხალხი უსამართლო შედეგს არ ეგუება“, - განაცხადა ცუცქირიძემ.