ევროკომისიის გენერალური დირექტორი - ევროკომისია დღეს 2024 წლის გაფართოების პაკეტს განიხილავს
ევროკომისია დღეს 2024 წლის გაფართოების პაკეტს განიხილავს, - ამის შესახებ ევროკომისიის გენერალური დირექტორი სამეზობლოსა და გაფართოების შესახებ მოლაპარაკების საკითხებში, ხერტ იან კოოპმანი სოციალურ ქსელში წერს.
„ევროკომისია დღეს 2024 წლის გაფართოების პაკეტს განიხილავს. აღნიშნული პაკეტი დეტალურად აფასებს ვითარებას და ალბანეთის, ბოსნია-ჰერცეგოვინის, საქართველოს, კოსოვოს, მოლდოვის, მონტენეგროს, ჩრდილოეთ მაკედონიის, სერბეთის, თურქეთისა და უკრაინის მიერ მიღწეულ პროგრესს. ევროკავშირის გაფართოება ევროპის უსაფრთხოების, სტაბილურობისა და კეთილდღეობისთვის კრიტიკული მნიშვნელობის საკითხად რჩება“, - წერს ხერტ იან კოოპმანი.
