იგორ ნარმანია - აქციები იქნება პერმანენტული და უწყვეტი ხასიათის, რაც უმნიშვნელოვანესი პროცესია
აქციები იქნება პერმანენტული და უწყვეტი ხასიათის, რაც უმნიშვნელოვანესი პროცესია, - ამის შესახებ „ერთიანი ნაციონალური მოძრაობის“ თავმჯდომარის მოადგილემ იგორ ნარმანიამ 4 ნოემბრის აქციასთან დაკავშირებით განაცხადა.
მისი თქმით, ამ პროცესში ჩართული იქნება ყველა, ვისთვისაც მნიშვნელოვანია ქვეყნის ევროპული მომავალი.
„აქციები იქნება პერმანენტული და უწყვეტი ხასიათის, რაც არის უმნიშვნელოვანესი პროცესი. რა თქმა უნდა, ამ პროცესში ჩართული იქნება, როგორც საზოგადოება, სამოქალაქო სექტორის წარმომადგენლები, ისევე ოპოზიციური პარტიის წარმომადგენლები, ყველა, ვისთვისაც მნიშვნელოვანია ამ ქვეყნის ევროპული მომავალი“, - განაცხადა იგორ ნარმანიამ.
ცნობისთვის, ოპოზიციამ 4 ნოემბერს, 19:00 საათზე, რუსთაველის გამზირზე აქცია დააანონსა. აქციაზე გახდება ცნობილი ოპოზიციის სამოქმედო გეგმაც.
v-if="article.gallery" v-html="article.gallery"
