კოალიცია ,,ძლიერი საქართველოს” ერთ-ერთი ლიდერი, ანა დოლიძე მოლდოვის საპრეზიდენტო არჩევნებში, მაია სანდუს გამარჯვებას ულოცავს.

“ვულოცავ მაია სანდუს გამარჯვებას. მოლდოველმა ხალხმა აირჩია ევროპული კეთილდღეობა და თავისუფლება.

ჩვენ კი მალე დავიბრუნებთ მოპოვებულ გამარჯვებას”, - წერს ანა დოლიძე.

შეგახსენებთ, გუშინ მოლდოვაში საპრეზიდენტო არჩევნების მეორე ტური გაიმართა, რომელშიც, წინასწარი შედეგების თანახმად, მოქმედმა პრეზიდენტმა, მაია სანდუმ გაიმარჯვა.