ლევან სანიკიძე - ახლა ნიჰილიზმის დრო არ არის, ახლა დროა ბრძოლის, იმის, რომ არ შევეგუოთ მოპარულ არჩევნებს
„ერთიანობა - ნაციონალური მოძრაობის“ პრესსპიკერის, ლევან სანიკიძის განცხადებით, საზოგადოება უნდა იყოს მაქსიმალურად ოპტიმისტურად განწყობილი, “ახლა ნიჰილიზმის დრო არ არის”. მისივე თქმით, თავისუფლებისთვის ბრძოლა დღესაც რუსთაველის გამზირზე წყდება. აღნიშნულის შესახებ ლევან სანიკიძემ დღეს, რუსთაველის გამზირზე დაგეგმილ აქციასთან დაკავშირებით განაცხადა, რომელიც 26 ოქტომბრის არჩევნების შედეგების გასაპროტესტებლად იმართება.
„დღეს ჩვენ ვიკრიბებით რუსთაველის გამზირზე საღამოს 7 საათზე, იქნება დიდი მანიფესტაცია. მნიშვნელოვანია გავითვალისწინოთ ის ფაქტიც, რომ საზოგადოება უნდა იყოს მაქსიმალურად ოპტიმისტურად განწყობილი, ახლა ნიჰილიზმის დრო არ არის, ახლა დროა ბრძოლის, იმის, რომ არ შევეგუოთ მოპარულ არჩევნებს, რადგან ამ არჩევნების ფასი ბევრად უფრო დიდია, ვიდრე რომელიმე პოლიტიკური ორგანიზაციის 76 მანდატი. ეს არის არჩევნები, სადაც წყდება ამ ქვეყნის შემდგომი მინიმუმ 20 წლიანი განვითარების გზა და მათ შორის ჩვენს საზოგადოებას მინდა ვუთხრა, რომ ეს არცერთი პარტიის მოქმედებაზე არ გადის, მნიშვნელოვანია, რომ ყველამ საკუთარ თავში ვიპოვოთ ძალა, ის სურვილი, რასაც ჰქვია თავისუფლებისთვის ბრძოლა, რომელიც დღესაც, როგორც განვლილი 30 წლიანი პერიოდის მანძილზე, გადის რუსთაველის გამზირზე.“ - განაცხადა ლევან სანიკიძემ.
v-if="article.gallery" v-html="article.gallery"
