ოთარ ზურაბიშვილი - ეს მოპარული არჩევნებია, გამოსავალი რა არის? - ქუჩა, აქ უნდა ვიყოთ ყოველ დღე და ვაჩვენოთ ხელისუფლებას, რომ ხელისუფლება სინამდვილეში არის ხალხი და ხალხის ხმა
ეს მოპარული არჩევნებია, მეტი არაფერი. გამოსავალი რა არის? - ქუჩა , - ამის შესახებ საქართველოს პრეზიდენტის ძმამ, ოთარ ზურაბიშვილმა რუსთაველის გამზირზე მიმდინარე აქციაზე განაცხადა.
მისი შეფასებით, ხალხი ქუჩაში უნდა იყოს ყოველდღე, რადგან ხელისუფლებამ ნახოს, რომ სინამდვილეში ხელისუფლება ხალხი და ხალხის ხმაა.
„სხვა გამოსავალი არ არის. არჩევნები და ხმები მოგვპარეს. პირდაპირ გეტყვით, ეს არის ელექტორალური, ხმების მოპარვით გადატრიალება. ხელისუფლება ამით იჭერს ქვეყანას, რომელიც როგორც შეეძლო, ისე მოვიდა არჩევნებამდე. ეს მოპარული არჩევნებია, მეტი არაფერი. გამოსავალი რა არის? - ქუჩა. აქ უნდა ვიყოთ ყოველდღე და ვაჩვენოთ ხელისუფლებას, რომ სინამდვილეში ხელისუფლება ხალხი და ხალხის ხმა არის“ , - განაცხადა ოთარ ზურაბიშვილმა.
ცნობისთვის, რუსთაველის გამზირზე 19:00 საათზე სამი ოპოზიციური კოალიციის აქციაა დაანონსებული. აქციას სადგურის მოედნიდან სამი პოლიტიკური პარტია: „ძლიერი საქართველო“, „ერთიანობა - ნაციონალური მოძრაობა“ და „კოალიცია ცვლილებისთვის“ მსვლელობით უერთდება.
სწორედ დღევანდელ აქციაზე გახდება ცნობილი თუ როგორი იქნება ოპოზიციის პროტესტის ფორმები და სამოქმედო გეგმა.
v-if="article.gallery" v-html="article.gallery"
