ვოლოდიმირ ზელენსკი - კანადა უკრაინისთვის შეკვეთილ NASAMS-ის საჰაერო თავდაცვის სისტემას გამოგზავნის, ველით, რომ მას წლის ბოლომდე მივიღებთ
კანადისგან NASAMS-ის საჰაერო თავდაცვის სისტემას წლის ბოლომდე მივიღებთ, - ამის შესახებ ინფორმაციას უკრაინის პრეზიდენტი, ვოლოდიმირ ზელენსკი კანადის პრემიერ-მინისტრთან, ჯასტინ ტრუდოსთან სატელეფონო საუბრის შემდეგ სოციალურ ქსელში ავრცელებს.
„ჩვენ მეორე სამშვიდობო სამიტის ორგანიზებისთვის შემდგომი თანამშრომლობისა და ამ ძალისხმევაში გლობალური სამხრეთის ქვეყნების ჩართვის საკითხი განვიხილეთ. გარდა ამისა, პრემიერ-მინისტრმა განაცხადა, რომ კანადა უკრაინისთვის შეკვეთილ NASAMS-ის საჰაერო თავდაცვის სისტემას გამოგზავნის. ველით, რომ მას მიმდინარე წლის ბოლომდე მივიღებთ“, - წერს ვოლოდიმირ ზელენსკი.
ასევე, ვოლოდიმირ ზელენსკიმ და ჯასტინ ტრუდომ ბრძოლის ველზე არსებული ვითარება, უკრაინის შემდგომი მხარდაჭერისა და ომში ჩრდილოეთ კორეის ჩართვის საკითხი განიხილეს.
