ირაკლი კუპრაძე - მნიშვნელოვანია პოლიტიკოსებმა, ორგანიზაციებმა და მოქალაქეებმა დავიცვათ, ჩვენი საარჩევნო უფლება - სააპელაციო სასამართლოს მაინც მოუწევს ამ საქმეების განხილვა, სამოქალაქო პროტესტისა და წინააღმდეგობის ფონზე
სააპელაციო სასამართლოს მაინც მოუწევს ამ საქმეების განხილვა, სამოქალაქო პროტესტისა და წინააღმდეგობის ფონზე - მნიშვნელოვანია პოლიტიკოსებმა, ორგანიზაციებმა და მოქალაქეებმა დავიცვათ, ჩვენი საარჩევნო უფლება, - ამის შესახებ კოალიცია „ძლიერი საქართველოს“ წევრმა ირაკლი კუპრაძემ ჟურნალისტებთან საუბრისას განაცხადა.
მისი თქმით, აქციის სააპელაციო სასამართლოსთან გადატანა, მათი მხრიდან ერთგვარი ტაქტიკური სვლაა, რომ „ქართულ ოცნებას“ საპასუხო პროპაგანდისტული ნაბიჯების გადადგმის საშუალება არ ჰქონდეს.
„სასამართლო სისტემაში აღმოჩნდნენ ერთეული მოსამართლეები, რომლებმაც გაბედეს სიმართლის მხარეს დგომა და 30 საარჩევნო უბნის შედეგები გააბათილეს, დაუდასტურეს ადგილობრივ და საერთაშორისო სადამკვირვებლო მისიებს, რომ უბნები უნდა გაბათილდეს და მეორეს მხრივ, უნდა გადაითვალოს უბნები, სადაც გაყალბების მაჩვენებელი მაღალი იყო.
ამ დროს მნიშვნელოვანია პოლიტიკოსებმა, ორგანიზაციებმა და მოქალაქეებმა დავიცვათ, ჩვენი საარჩევნო უფლება დავიცვათ და პროტესტი გამოვხატოთ გაყალბებული არჩევნების წინააღმდეგ. შესაბამისად, აქციის დრო და ლოკაცია იქნება - სააპელაციო სასამართლო, 15:00 საათი.
სააპელაციო სასამართლოს მაინც მოუწევს ამ საქმეების განხილვა, სამოქალაქო პროტესტისა და წინააღმდეგობის ფონზე. ეს იქნება შეუცვლელი. ვადები ზღუდავს სააპელაციო სასამართლოს სარჩელების განხილვასთან მიმართებით“, - განაცხადა ირაკლი კუპრაძემ.
v-if="article.gallery" v-html="article.gallery"
