აშშ-ის ყოფილი პრეზიდენტის, „რესპუბლიკური პარტიის“ პრეზიდენტობის კანდიდატის დონალდ ტრამპის განცხადებით, ის “დარწმუნებულია” , რომ მოიგებს და საპრეზიდენტო არჩევნები “დაძაბულიც კი არ იქნება”. ამის შესახებ "რესპუბლიკური პარტიის" კანდიდატმა, დონალდ ტრამპმა საპრეზიდენტო არჩევნებში ხმის მიცემის შემდეგ განაცხადა.

ტრამპმა ფლორიდის შტატის ქალაქ პალმ ბიჩში მისცა ხმა. საარჩევნო უბანზე ის მეუღლესთან, მელანია ტრამპთან ერთად გამოჩნდა.

“ძალიან თავდაჯერებულად ვარ. როგორც მესმის, ყველგან კარგი შედეგები გვაქვს… ის [არჩევნები] დაძაბულიც კი არ იქნება, მაგრამ სერტიფიცირებას დიდი დრო დასჭირდება”, - განაცხადა ტრამპმა.

საპრეზიდენტო კანდიდატის თქმით, სამი წინასაარჩევნო კამპანიიდან (2016-ში, 2020-ში, 2024-ში) ეს “საუკეთესო” იყო.