კამპანიას ისე ვასრულებთ, როგორც დავიწყეთ: ოპტიმიზმით, ენერგიით და ხალისით,- ამის შესახებ აშშ-ის ვიცე-პრეზიდენტმა, "დემოკრატიული პარტიის" პრეზიდენტობის კანდიდატმა კამალა ჰარისმა სოციალურ ქსელში დაწერა.

მისი თქმით, დღეს "ჩვენ ხმას ვაძლევთ უფრო ნათელ მომავალს".

აშშ-ში დღეს რიგით მე-60 საპრეზიდენტო არჩევნები გაიმართება. ამერიკელები 47-ე პრეზიდენტს აირჩევენ.

ამერიკის მოქალაქეები და შემდგომ საარჩევნო კოლეგია განსაზღვრავს, ვინ მართავს ქვეყანას მომდევნო ოთხი წლის განმავლობაში - „დემოკრატიული პარტიის“ კანდიდატი, ვიცე-პრეზიდენტი კამალა ჰარისი თუ „რესპუბლიკელი“ კანდიდატი, ყოფილი პრეზიდენტი დონალდ ტრამპი.

საპრეზიდენტო არჩევნებში გამარჯვებისთვის კანდიდატმა ამომრჩეველთა კოლეგიის წევრთა 538 ხმიდან სულ მცირე 270 ხმა უნდა მიიღოს.