ამერიკის შეერთებული შტატების პრეზიდენტობის კანდიდატი “რესპუბლიკური პარტიიდან“, დონალდ ტრამპი აცხადებს, რომ ვრცელდება ხმები ფილადელფიაში არჩევნებში „მასობრივი თაღლითობის“ შესახებ და სამართალდამცავი ორგანოები უკვე ადგილზე მიემართებიან, - BBС-ის ინფორმაციით, ამის შესახებ ტრამპი საკუთარ სოციალურ ქსელ Truth Social-ში წერს.

“ბევრს საუბრობენ ფილადელფიაში მასობრივი თაღლითობის შესახებ, სამართალდამცავი ორგანოები მოდიან“, - აცხადებს ტრამპი.

ფილადელფიის პოლიციის დეპარტამენტმა BBC-ს განუცხადა, რომ მათ არ იციან, რას გულისხმობს ტრამპი.

ბრალდება უარყო ფილადელფიის საქალაქო კომისარმა, სეთ ბლუშტეინმაც.

„ამ ბრალდებაში აბსოლუტურად არ არსებობს სიმართლე. ეს დეზინფორმაციის კიდევ ერთი მაგალითია. ფილადელფიაში ხმის მიცემა უსაფრთხო და დაცული იყო“, - აღნიშნა სეთ ბლუშტეინმა.