ევროპული საბჭოსა და ევროპარლამენტის პრეზიდენტები დონალდ ტრამპს აშშ-ის საპრეზიდენტო არჩევნებში გამარჯვებას ულოცავენ.

„არჩეულ პრეზიდენტს, დონალდ ტრამპს ვულოცავ! ევროკავშირსა და აშშ-ს მტკიცე და ისტორიული ალიანსი აკავშირებს. როგორც მოკავშირეები და მეგობრები, ევროკავშირი მოუთმენლად ელის ჩვენი კონსტრუქციული თანამშრომლობის გაგრძელებას. ევროკავშირი სტრატეგიული დღის წესრიგის შესაბამისად თავის კურსს გააგრძელებს, როგორც ძლიერი, ერთიანი, კონკურენტუნარიანი და სუვერენული პარტნიორი და წესებზე დაფუძნებულ მრავალმხრივ სისტემას დაიცავს“, - წერს შარლ მიშელი სოციალურ ქსელში.

დონალდ ტრამპს ევროპარლამენტის პრეზიდენტმა, რობერტა მეცოლამაც მიულოცა.

„ევროპა მზადაა უპრეცედენტო გეოპოლიტიკურ გამოწვევებთან გამკლავების მიზნით ითანამშრომლოს. შევინარჩუნოთ ძლიერი ტრანსატლანტიკური კავშირები, რომლებიც დაფუძნებულია ჩვენს საერთო ღირებულებებზე, თავისუფლებაზე, ადამიანის უფლებებზე, დემოკრატიასა და ღია ბაზრებზე“, - წერს რობერტა მეცოლა სოციალურ ქსელში.