რადოსლავ სიკორსკი - ევროპას საკუთარ უსაფრთხოებაზე მეტი პასუხისმგებლობის აღება სასწრაფოდ სჭირდება

ევროპას საკუთარ უსაფრთხოებაზე მეტი პასუხისმგებლობის აღება სასწრაფოდ სჭირდება, - ამის შესახებ პოლონეთის საგარეო საქმეთა მინისტრმა, რადოსლავ სიკორსკიმ განაცხადა.

„ამერიკელმა ხალხმა ხმა მისცა და მათ გადაწყვეტილებას პატივს ვცემთ. ჩვენი საგარეო პოლიტიკა, როგორც „დემოკრატებთან“, ისე „რესპუბლიკელებთან“ დიალოგის შენარჩუნებისას ეფექტური იყო. მე მუდმივი კონტაქტი მაქვს უსაფრთხოების საკითხებში ორივე მხარის ოფიციალურ პირებთან. ევროპას საკუთარ უსაფრთხოებაზე მეტი პასუხისმგებლობის აღება სასწრაფოდ სჭირდება, თავდაცვის ხარჯების გაზრდითა და იმიგრაციის შესახებ მტკიცე გადაწყვეტილებებით“, - განაცხადა რადოსლავ სიკორსკიმ.