სამხრეთ ლიბანში ისრაელის საჰაერო იერიშის შედეგად 7 ადამიანი დაიღუპა, - ამის შესახებ ინფორმაციას სააგენტო Reuters-ი ლიბანის ჯანდაცვის სამინისტროზე დაყრდნობით ავრცელებს.

ლიბანის ჯანდაცვის სამინისტროს ცნობით, ისრაელმა საჰაერო იერიში ლიბანის სანაპირო ქალაქ, ტვიროსში განახორციელა, რასაც 7 ადამიანი ემსხვერპლა და სულ მცირე, 46 დაშავდა.

სამინისტროს ინფორმაციით, შემთხვევის ადგილზე სამძებრო-სამაშველო სამუშაოები გრძელდება.