გერმანიის პარლამენტის საგარეო ურთიერთობათა კომიტეტის თავმჯდომარე, მიხაილ როთი აცხადებს, რომ ევროპის მომავალი საქართველოშიც წყდება და რომ ევროკავშირმა არ უნდა აარიდოს თვალი, როდესაც კანდიდატ სახელმწიფოში დემოკრატიას შეურაცხყოფენ.

„ხშირად მეკითხებიან, რატომ ვმოგზაურობთ ისევ საქართველოში. იმიტომ, რომ ევროპის მომავალი აქაც გადაწყდება: რუსული იმპერიალიზმი კიდევ ერთ ახალგაზრდა დემოკრატიას გაანადგურებს თუ თავისუფლება და სუვერენიტეტი გაიმარჯვებს. ევროკავშირმა არ უნდა აარიდოს თვალი, როდესაც კანდიდატ სახელმწიფოში დემოკრატიას შეურაცხყოფენ“, - წერს როთი სოციალურ პლატფორმა X-ზე.

შეგახსენებთ, საქართველოში ევროკავშირის რვა ქვეყნის პარლამენტების საგარეო ურთიერთობათა კომიტეტების თავმჯდომარეების დელეგაცია იმყოფება, მათ შორის გერმანიის პარლამენტის საგარეო ურთიერთობათა კომიტეტის თავმჯდომარე, მიხაილ როთი.