ნანა მალაშხია - ერთად აუცილებლად დავდებთ შედეგს, ძალიან პოზიტიურად ვარ განწყობილი, ეს არ ჰგავს 2020 წლის არჩევნების შემდგომ პერიოდს
მიუხედავად იმისა, რომ ადამიანები არიან ცოტა იმედგაცრუებულები, მე ვთავაზობ მათ, რომ მოვიდნენ აქციაზე, დაიმუხტონ ენერგიით და ერთად აუცილებლად დავდებთ შედეგს, - ამის შესახებ “კოალიცია ცვლილებისთვის” ერთ-ერთმა ლიდერმა ნანა მალაშხიამ “ინტერპრესნიუსთან” საუბარში განაცხადა.
მალაშხიას თქმით, მიტაცებული არჩევნების დაბრუნების მთავარი ღერძი სწორედ ქუჩის პროტესტია.
“არჩევნები არის მიტაცებული და ამ დროს, სამოქალაქო წინააღმდეგობას განსაკუთრებული მნიშვნელობა აქვს. რაც არ უნდა გაყალბებული არჩევნების არაღიარების პოლიტიკა იყოს, რაც ნამდვილად არის დღეს, ამ თვალსაზრისითაც ძალიან მნიშვნელოვანია აქციაზე ყოფნა. ჩვენს გასაკეთებელ საქმეს სხვა ვერ გააკეთებს. ჩვენს პროტესტს აქვს განსაკუთრებული მნიშვნელობა. ქუჩის პროტესტი არის მთავარი ღერძი. მიუხედავად იმისა, რომ ადამიანები არიან ცოტა იმედგაცრუებულები, მე ვთავაზობ მათ, რომ მოვიდნენ აქციაზე, დაიმუხტონ ენერგიით და ერთად აუცილებლად დავდებთ შედეგს. ძალიან პოზიტიურად ვარ განწყობილი, ეს არ ჰგავს 2020 წლის არჩევნების შემდგომ პერიოდს”, - განაცხადა ნანა მალაშხიამ.
