ბორჯომის მუნიციპალიტეტის საკურორტო სოფელ ცემში შიდა საუბნო გზის რეაბილიტაცია მიმდინარეობს.

ამის შესახებ ინფორმაციას ბორჯომის მერია ავრცელებს.

მათივე ცნობით, პროექტის ფარგლებში, ბერის საყდრებამდე მისასვლელი გზის 772 მეტრიან მონაკვეთზე, არმირებული ბეტონის საფარი ეწყობა.

„გზის სარეაბილიტაციო სამუშაოები საქართველოს რეგიონებში განსახორციელებელი პროექტების ფონდიდან ფინანსდება და სამუშაოებს შპს „მშენებელი-2012" ახორციელებს.

პროექტის მიზანია, ტურისტული ინფრასტრუქტურის მოწესრიგება, რაც რეგიონში ტურიზმის განვითარებისთვის ხელსაყრელ პირობებს შექმნის,“ - აღნიშნულია ინფორმაციაში.