ბათუმში საპროტესტო აქცია ლოზუნგით - “არჩევნები გაყალბდა” მიმდინარეობს

“არჩევნები გაყალბდა” - ამ ლოზუნგით ბათუმში მოქალაქეები და სხვადასხვა ოპოზიციური პარტიის წარმომადგენლები ბათუმის 79-ე საოლქო საარჩევნო კომისიასთან საპროტესტო აქციას მართავენ.

მათი თქმით, ქვეყანაში „რუსული რეჟიმის დამყარებას“ არ დაუშვებენ.

“აქ საერთო მიზანმა შეგვკრიბა. დიდი ხანია ნათელი და ევროპული მომავლისთვის ვიბრძვით. ბიძინა ივანიშვილმა და მისმა პოლიტიკურმა „კლანმა“არჩევნები გააყალბა. გვაიძულებენ, რომ რუსეთში ვიცხოვროთ, სასწორზე დევს ჩვენი ქვეყნის და თითოეული ჩვენგანის ბედი. ჩვენ არაერთხელ დაგვარბიეს და გვიგზავნიდნენ ადამიანებს დასაშინებლად, მაგრამ დღეს აქ ვდგავართ. აუცილებელია რეგიონების აქტიურობა. არ უნდა დავიღალოთ, სანამ შედეგს არ მივაღწევთ. ნებისმიერ რუსულ ძალას ქართველი ერთიანობითა და უწყვეტი ბრძოლით გადატეხს”,- აცხადებენ შეკრებილები.

გიორგი გობრონიძე - უკრაინაში გრძელვადიან მშვიდობაზე საუბარი ადრეა, დასავლეთში კი ბოლომდე არ არის გაცნობიერებული ის რისკები, რაც რუსეთიდან უკრაინის და ევროატლანტიკური უსაფრთხოების მიმართულებით მომდინარეობს
ქართული პრესის მიმოხილვა 19.05.2025
გაიზომე წნევა დღესვე - 17 მაისი ჰიპერტენზიასთან ბრძოლის საერთაშორისო დღეა