ფოთსა და ჩინეთის სახალხო რესპუბლიკის სიჩუანის პროვინციის ქალაქ მიენიანგს შორის ურთიერთთანამშრომლობის მემორანდუმი გაფორმდა.

ამის შესახებ ინფორმაციას ფოთის მერია ავრცელებს.

მათივე ცნობით, მემორანდუმის ფარგლებში ტექნოლოგიების, ეკონომიკის, განათლების და ტურიზმის მიმართულებით მრავალმხრივი თანამშრომლობაა დაგეგმილი.

როგორც ფოთის მერმა, ბექა ვაჭარაძემ განაცხადა, საერთაშორისო პარტნიორებთან ფოთის სწორი პოზიციონირებისთვის ისინი ყველა შესაძლებლობას გამოიყენებენ.

„ჩვენ ყველა შესაძლებლობას გამოვიყენებთ ჩვენი ქალაქის სწორი პოზიციონირებისთვის საერთაშორისო პარტნიორებთან, საჭირო ინვესტიციების მოსაზიდად, როგორც ჩვენი ლოჯისტიკური მნიშვნელობის განსამტკიცებლად, ასევე ტურისტული შესაძლებლობების განსავითარებლად“, - განაცხადა ფოთის მერმა ბექა ვაჭარაძემ.

გავრცელებული ინფორმაციის თანახმად, მიენიანგი ცნობილია ტექნოლოგიური და ინოვაციური განვითარების მაღალი დონით.

„მნიშვნელოვანია, რომ მიმდინარე წელს სიჩუანსა და საქართველოს შორის იმპორტისა და ექსპორტის საერთო მოცულობამ მიაღწია დაახლოებით 151 მილიონ RMB-ს, რაც 68,67%-ით გაიზარდა წინა წელთან შედარებით.

გარდა ამისა, ჩინეთ-ევროპის სარკინიგზო ექსპრესმა დაიწყო მარშრუტი მიენიანგიდან საქართველოში, რაც გულისხმობს ადგილობრივი წარმოების სხვადასხვა პროდუქციის ტრანსპორტირებას“, - ნათქვამია ინფორმაციაში.