გაერო-ს ჟენევის ოფისში რუსეთის მუდმივი წარმომადგენელი - დონალდ ტრამპის გამარჯვება აშშ-სთან დიალოგის ახალ შესაძლებლობას აჩენს

დონალდ ტრამპის გამარჯვება აშშ-სთან დიალოგის ახალ შესაძლებლობას აჩენს, - ამის შესახებ გაერო-ს ჟენევის ოფისში რუსეთის მუდმივმა წარმომადგენელმა, გენადი გატილოვმა ჟურნალისტებს განუცხადა.

„ერთადერთი შესაძლო ცვლილება ჩვენს ქვეყნებს შორის დიალოგია, რომელიც ბოლო რამდენიმე წლის განმავლობაში არ ყოფილა“, - განაცხადა გენადი გატილოვმა.

გაერო-ში რუსეთის მუდმივმა წარმომადგენელმა აღნიშნა, რომ აშშ-ის შიდა პოლიტიკური ცვლილებების მიუხედავად, ვაშინგტონი მოსკოვის შეკავების მიზნისკენ ისწრაფვის.

„ადმინისტრაციის ცვლილება ამას ნაკლებად შეცვლის“, - აღნიშნა გაერო-ში რუსეთის მუდმივმა წარმომადგენელმა.